- ग्रामपंचायत मालखेड मध्ये आपले स्वागत आहे
- +९१-९५२७३९९६८८
सुचना / नवीन संदेश
मालखेड हे गाव अमरावती चांदुररेल्वे रोडवर अमरावती वरुण अंदाजे २० की मी अंतरावर दक्षिण वाहिनी भानामती नदीचे काठावर वसले आहे. मध्य रेल्वे चे नागपुर मुंबई रेल्वे लाईनवर बडनेरा चे अगोदर १६ किलोमीटर अगोदर मालखेड रेल्वे स्टेशन आहे. गावाची लोकसंख्या ३२६६ एवढी आहे. मालखेड या गावाला पौराणिक खूप महत्व आहे. अंबादेवी व शिवमंदिर एकाच ठिकाणी असलेले एकमेव मंदिर आहे. तीर्थक्षेत्र क दर्जा प्राप्त असलेले पौराणिक महत्व असलेले हे मंदिर आहे. पौराणिक आख्यायकेनुसार विदर्भ प्रदेशाचा राजा वृषभदेव यांच्या दहा मुलापैकी एक केतुमाल नावाच्या मुलाने येथे भानामती नदीकाठी तपचर्या करून अंबादेवी ला प्रसन्न करून मालखेड येथील जनतेला नेहमी आजारांपासून मुक्त ठेवण्याचे वरदान मागितले होते. केतुमाल यांच्या नावा वरुनच या गावाचे नाव मालखेड असे संबोधल्या गेले. राष्ट्रसंत तुकडोजी महाराज यांचे शुभ हस्ते गुरुदेव सेवा मंडळ ची स्थापना झाली मंडळाची स्वतंत्र इमारत आहे .सदर मंडळ तर्फे आजपर्यंत नियमित दररोज गुरुदेव सामुदायिक पार्थणा केली जाते. आठवड्यात दर सोमवार आणी गुरुवार रोजी भजन गायनाचा कार्यक्रम नियमित सुरू आहे.
